zwj pheej.JPG txiv txiaj.jpg nom.jpg
        Zwj Pheej Xeeb                       Txiaj Xab Vaj                     Kx. Nom Xyooj Hawj

Cov neeg uas HmongTours tau txais tos thiab tau pab dua los lawm cov lus tim khawv, nias mus nyeem  >>>> Next

Chaw Ncig

Nyob rau Halong Bay, Quan Ninh, Vietnam

Keeb Kwm
Ha Long Bay nws yog ib lub hiav txwv uas zoo nkauj heev. Nws muaj roob muaj hav, muaj tej roob zeb nyob hauv tej plawv dej. Nws yog ib qho chaw uas ntuj tsim teb raug yeej zoo li no, nws tsis yog los ntawm tib neeg txhais tes puab, los yog hais tias neeg txhais tes yeej tsis tau chwv li. Lub Koom Haum Unesco tau muab xaiv tso rau ib qho ntawm cov chaw zoo nkauj tshaj hauv ntiajteb no.

Ha Long Bay no dav kwv lam yog 1.553km² thiab muaj 1.960 lub pov txwv me yog zeb ntsuab xwb, kiag hauv plawv dav 334km² thiab puag ncig ntawm 775 lub pov txwv loj. 

Cov Chaw Ncig

Muaj chaw ncig nyob li: Yuav caij nkoj mus dhau thiab ncig cov chaw. Qhov Tsua Ceeb, Tiaj Sim, Qhov Tsua Dab Teb, Qhov Nkauj Ntsuab. Chaw so: Pov Txwv 690, Taub Hau Seem Rov Qab, Qhov Nkauj Xwb, pas dej Nkauj Ntsuab thiab Koog Pov Txwv Cat Ba.




YouTube Video

hov Video no yog kev mus ncig ntawm lub zos hauv hav dej hnub 15/14/2011. Cov neeg no lawv tsis muaj av nyob nraub nqhuab, lawv tsis muaj tsev nyob saum av, yog li ntawd lawv thiaj tuaj nyob rau hauv tsev no. Lawv lub neej yog nrhiav ntses noj, lawv ua tsev rau saum nplaim dej, lawv kev nrhiav ntses thiab noj haus hauv no xwb. Lawv kuj muaj tsev kawm ntawv hu tib si thiab. Lawv muaj kws qhia ntawv tuaj qhia lawv hauv no ib yam.


Hnub no peb mus saib lawv, mus saib lawv yog caij cov nkoj me me mus saib xwb. Dhau li ntawd mus ncig lwm qhov thiab. Peb mus no peb pom ib lub tsev kawm yog lawv kawm hoob ob hoob peb.




Qhov tsua ceeb

Tej Yam Yuav Tau Ceev Faj

Nyob rau thaj tsam no peb yuav tau ceev faj tej yam xws li: Mus yuav khoom, yog neeg txawv lawd lawv yeej yuav kim dua, zoo coj tej tus yog neeg nyob Nyablaj nrog mus thiaj hais tau. Thiab muaj cov neeg coj khoom tuaj muag rau yus ntau ntau, yog li yuav tau ceev faj thiab. Mus saib luag tej ntseeg mas yuav tau ceev faj, lawv cov ntses ntawd lawv muag ob peb yam nqi, thiab lawv yuav kim heev yog hais tias yus yog neeg txawv tebchaws, thaum koj taw tes kiag tus twg ces lawv npu kiag los thiab muab ntaus tuag kiag lawv muab yuam yus yuav xwb. Thiab kev noj kev hauv los yog yus tsis ua zoo saib lawv yuav kim heev yog yus tsis paub. Qhov zoo yog mus raws Tour.

Cov nkoj tom hiav txwv



Nyob rau Hanoi City

Ha Noi City

YouTube Video



Keeb Kwm
        Ha Noi txij yav thaum ub los yeej yog Nyablaj lub tuam ceeb nroog. Nws nyob ntau tiam dhau los txog niaj hnub nim no. Ua ntej  1000 xyoo lub nrog Ha Noi hu Thang Long thiab ntau tiam dhau los thiaj hu hais tias Ha Noi. Los txog nim no hauv Ha Noi neeg muaj coob li 8 plhom tus (8.000.000) nyob hauv lub nroog no. Lub nroog nyob nrub nrab ntawm cov xeev yav qaum teb. Lub nroog no muaj ntau yam uas txawv tshaj li lwm qhov.


Tej chaw ncig nyob hauv Ha Noi        
Ha Noi cov chaw ncig xws li: Ho Hoang Kiem (Pas dej ntaj), Ho Tay (pas dej sab hnub poob), Van Mieu (tsev kawm tub txawg), Bao Tan Dan Toc (tsev rau khoom qub), Chua Mot Cot (tsev hauj sam ib tus ncej) thiab tshwj xeeb yog lub nroog laus lso yog qub nroog.


Tus nqi rau ib hnub ncig cov chaw ze hauv qub nroog
    Muaj noj sus, coj mus ncig ib cov chaw thiab piav txog keeb kwm ntawm cov chaw ntawd rau cov neeg mus saib. Mus ncig kiab khw yuav khoom thaib xa rov los Hotel. (tsis xam nyiaj Hotel)


Yam tshwj xeeb yuav tau pom hauv nrog Ha Noi
        Lub nroog Ha Noi no cov neeg coob heev li muaj txog li  8 lab tus. Tej vaj tse nyob hauv nroog no ti heev, cov kev kuj me ib yam nkaus, yog li ntawd mas tsheb coob heev. Yog yuav hla kev mas koj yuav tau saib ped saib nrad, ib txhia neeg txawv teb chaws mas lawv tsis paub hla li, hla mas rhiab rhiab pob tw. Lawv mus tsheb tsis raws li kev cai li, tsuav qhov twg khoob ces mus xwb, thaum tas kis 7-8 moos 30 sawv ntxov thiab yav tsaus ntuj 4 moos 30-6 moos mas koj yuav hla kev los nyuaj li, vim nws daig heev. Neeg Ha Noi lawv nyiam mus noj tej nyuag khoom muag ntawm tej ntug kev, nyiag mus haus tshuaj yej, thiab haus beer, tshwj xeeb yog nyiam mus hmo ntuj, lawv kuj nyiam mus noj tsaus ntuj thiab, nyiam mus tom khw thaum yav tsaus ntuj xwb.

Lub tsev hauj sam ib tug ncej


Kev noj haus nyob hauv nroog Ha Noi
        Nyob hauv lub nroog no kev noj haus mas muaj ntau yam heev li. Nws muaj cov tsev noj mov uas yog neeg txawv teb chaws tuaj ua, muaj cov uas yog nyab laj ua, muaj cov rau cov tuaj ua zog thiab cov tub kawm ntawv, muaj cov rau cov neeg muaj hauj lwm zoo, muaj cov rau tej nom tswv, thiab muaj cov rau tej tub lag luam. Lawv kev ua no nws txawv nws. Cov nyob ntawm tej ntug kev mas lawv ua sai heev, thiab kuj qab kawg, tiamsis tsis tshuam xis siab. Tej cov uas ua rau tej tub ua zog thiab cov tub kawm ntawv mas pheej yig heev, tiamsis mas noj tsuag tsau xwb nws tsis pwv dab tsi. Cov rau tej tub lag luam thiab tej neeg ua hauj lwm zoo mus rau cov nom tswv mas ua qeeb tiamsis mas kim. Yog koj yuav noj qaib ces lawv ntes qaib rau koj saib tas lawv mam li tua. Ib tas kis ces noj fawm xwb tsis muaj mov li, yog yuav noj ces me ntsis mov nplaum xwb, yog tias koj mus nug mov rau yav sawv ntxov ces luag yuav luag koj. Nyablaj ib txwm nyiam noj fawm rau yav sawv ntxov.

Nruab hnub ntawm ntug pas dej


Tej yam yuav tau ceev faj
        Hauv Ha Noi yuav tsum tsis txhob mus ua si los lig lig, vim thaum ntawd yog sijhawm ntawm cov neeg nrhiav noj hmo ntuj. Kuj muaj tej neeg phem, yog koj tsis nco qab es los tau lig zog koj yuav tsum mus ntawm tej pom pom kev xwb. Thiab tau koj mus yuav khoom yuav tau ceev faj, zoo dua mas coj ib tus paub lus nrog koj mus, yog koj tsis paub lus lawv yuav muag kim kim rau koj, tsis tas li lawv yuav tsis ntxiv nyiaj seem rau koj. Thaum koj taug kev muaj tej neeg txhuam khau hu koj yuav tsum txhob cia nws txhuam, yog koj txhuam nws yuav yuav kim heev. Thaum tsis muaj neeg coj koj mus, koj yuav tsum mus nrhiav yuav khoom ntawm cov khw loj xwb mas  koj thiaj tsis raug kim. Thaum taug kev hla kev koj txhob khiav khiav tsam tsheb yuav los tsoo koj, koj maj mam mus thiab mus tsis nres li, yog koj ib mus ib nres ces luag yuav tsis paub zam koj, koj cia luag mam li zam rau koj ntau xwb.

Thaum ib hmos ntawm ntug pas dej


Nyob rau Sapa, Laocai, Vietnam
Keeb Kwm
 Nyob siab li 1.500m rau ntawm hiav txwv. Luag tau paub txog lub moos Sapa thaum xyoo 1901. Xyoo 1903

Khw tshav puam


cov tub rog Fabkis tau tuaj ua ib lub yeej rau thaj chaw laj siab ntxiag no, thaum ntawd cov Fabkis lub homphiaj yeej yog yuav ua ib lub chaw rau tej nom tswv sab Yulauv tau tuaj so lawm. Xyoo 1909 tau ua tiav Chapa Hotel. Txij xyoo 1914 tau muaj “Lub Tuam Ceeb So“. Txij thaum ntawd los tom qab no muaj ntau yam, dhau ntau tiam sib hloov pauv. Tiamsis peb Hmoob twb yeej los nyob ua ke ntau tiam no lawm. Peb Hmoob nyob thaj tsam no yog vim thaum ub lawv los Suav los, lawv coj neeg laus menyuam yaus, lawv los txog no lawv mus tsis taus lawm, lawv thiaj los so rau ib nta roob no, nyob nyob lawv pom tias zoo ua qoob loo, ua liaj ua teb ces lawv cia li nyob lawm. Hos dua cov ces khiav dhau rau Lai Chau, Dien Bien, Son La ces mua Laos thiab Thaib lawm. Saum lub roob no no heev mas ib txhia tsis tau noj haus thiaj los tuag rau thaj tsam no. Txij ntawm dej liab dej ntsuab mus rau pem dawm mas muaj li 50km yog li ntawd lawv mus ib hnub tsis nto dawm, thiab mus tsis dhau thaj tsam no, yuav tau pw saum roob xwb, thiaj muaj txhia mus tsis taus tuag, thiaj muaj “TOJ TUAG NO, DAWM TUAG TSHAIB“ txog niaj hnub no.



Saib Video txog Sapa



Ntawm no yog peb Hmoob nyob Sa Pa tab tom ncaws teb, thiab sawv daws tab tom ua teb. Peb Hmoob nyob teb chaws no ces lawm lub neej yog ua liaj ua teb li no xwb. Lawv ua ib cov liaj yog cov liaj qib ntai, thiab ua tej teb txhab heev li, sawv daws kuj nyob tau yam kho siab tshaj, teb chaws no mas no tshaj li.



Yam yuav pom thiab yuav mus saib

             Sapa yog ib lub chaw ua siab tshaj,  yog li ntawd mus txog ntawd peb yuav pom cuag li mus yuav ti rau saum qab ntug. Peb tebchaws muaj ib lo lug tias “Sapa rooj ntug”, tsis tag li ntawd peb yuav tau mus saib pom txog peb Hmoob lub neej thaum nyob rau Suavteb khiav los nres rau thaj tsam no ces ib txhia mus rau sab Plog teb tshuav ib txhia nyob rau ntawm no. Peb Hmoob Sapa ua lub neej nrog toj roob hauv pes, nrog kem zeb kem tsua, ua liaj ua teb, txawm li ntawd los peb Hmoob Sapa muaj ib txhia tseem tuav tau peb Hmoob li Kab Lig Kev Cai Hmoob, txhua hmo uas yog hmo Sunday cov tub hluas Hmoob thiab tej Ntxhais hluas Hmoob tuaj koom ua ke rau hauv lub Moos Sapa hais kwv txhiaj thiab tshuab Raj tshuab Qeej lom zem kawg li thiab.

Ncig taug kev

            Muaj ib txhia ho mus dua ib txoj kev tshiab uas mus Ntseeg Yexus. Ntawm cov ntseeg Yexus lawv ho muaj kev mus Church thiab. Nyias muaj nyias txoj kev, txawm li no los lawv tseem sibhlub sib pab thiab ua ke yam tsis muaj Laj Kab quas.

Liaj teb


            Thaum taug kev peb yuav tau pom tej Me Nyuam Hmoob taug kev thiab muag khoom. Zoo li lawv yeej ib txwm nyob lub tebchaws no los lawm es lawv yog cov nyiaj taus no heev. Twb no nqes 15C. los muaj ib txhia lawv tseem tsis tag hnav tsho loj tsho sov li thiab. Tej me nyuam 4 xyoos rov saud ces lawv twb pib mus muag khoom rau cov neeg txawv tebchaws lawm, tiamsis lawv ho tsis nyiam ua tej lub tsev muag, lawv ho nyiam caum cov neeg ncig tebncig chaw rau ub rau no xwb. Pebtsis to taub, tiamsis peb tau nrog lawv tham thiab lawv hais tias “peb txom txom nyem, peb tsis muaj nyiaj them se, ua li no peb tsis raug them se” tej zaum qhov no yog lawv lub tswv yim ua lag luam los muaj. Thaum mus ncig txog nram zog peb muaj kev yuav me ntsis khoom noj coj mus pub rau cov me nyuam, cov me nyuam nyiam tshaj thiab thaum ua li no ua rau yus lom zem thiab zoo siab heev.